激光？蜜蠟脫？DIY?
- letsgetwaxing2020
- 2021年7月7日
- 讀畢需時 1 分鐘
近來見到好多關於脫毛既廣告，大多都係講激光脫毛有幾好、DIY脫毛又有幾方便，偏偏忽略咗蜜蠟脫毛嘅優點！小弟決定要平反🖐🖐
首先，脫毛前要諗清楚期望。你想一次就完全KO毛髮？稍為修整過量毛髮睇落乾淨啲？定貪得意呢？脫毛有無唔痛？
激光脫毛～快靚正，想有比較長效脫毛效果的話，小弟都建議你去做激光。不過唔會一次就會有廣告中所講嘅「永久脫毛」，特別係毛髮量多既，更要持續脫毛。係咪唔痛？不如問下身邊做緊激光脫毛既朋友仔吧！
蜜蠟脫毛～小弟主打呢樣既服務，最唔好既就係痛感會比較大😆。當然好視乎技師手勢，幸好暫時接收既意見都係滿意既多。蜜蠟脫毛嘅好處係重生既毛髮會幼細啲、無咁拮。而脫毛後出現既紅點、雞皮等都屬於物理現象，一兩日就會散。如果敷埋個蘆薈茶樹mask就更加好，即時降紅、降溫同抗荳😉。建議多毛人士4-6星期返黎一次，頭半年都需要持續護理，等毛髮有明顯改善，咁就可以6-8星期先返黎啦！另外毛髮倒生係所有脫毛既方法都有機會遇到，唔係剩係得蜜蠟脫毛先會架！
DIY 脫毛～我都落唔到手幫自己脫🙄，唔怕痛就無問題，但有啲位既幼毛真係搞唔到，都係留返俾專業既脫毛師幫你搞啦！要靚的話，有啲錢係唔慳得架！
留言